kad nije da nima bave,
kad bonaca na vijađ parti,
kad te karoca o' života
dovede tot u lučicu
(u acya, a more i u koju drugu)
baš kad se čuju ti zvukovi,
zvižđanje,
pisma,
cila mužika,
najedanput ti se friga za sve.
ne bi se ošerva,
ne bi krenija naprid,
sta bi tot i samo bi gušta.
a di nećeš, a?
pivaju,
sviraju,
pare živi.

jarboli na vitru.

u grop mužike svoje
te zamršiju i vrime fermaje.
mislija bi da je stvarno tako
da se ne miču švere.